నిన్న బ్లాగు రాయటం కుదరలేదు సరే ఇప్పుడు రాద్దాం. శిల్ప వాళ్ళ తమ్ముడి (శ్రీరాం) కూతురి మొదటి పుట్టిన రోజు అని నూతక్కి వెళ్ళింది. శిల్పకు వాళ్ళ ఊరి సౌందర్యం తన స్నేహితురాలు రమకు చూపెట్టాలని ఎప్పటి నుండో ఒక కోరిక. ఎలాగు మేనకోడలి పుట్టిన రోజుకు వెళ్ళుతుంది గదా పనిలోపనిగా రమనుకూడాతీసుకు వెళ్ళితే పుట్టినరోజు కు వెళ్లినట్టు ఉంటుంది వాళ్ళ ఊరు (నూతక్కి) ఎలా ఉంటుందో చూపించ వచ్చు. రమా (అమరనాథ రెడ్డి గారి భార్యామణి ) వాళ్ళ ఊరు కడప జిల్లాలోఒక చిన్న ఊరు వాళ్ళ ఊరు అంత గా అభివృద్ధి చెందలేదు. మరి మన ఊరేమోనదీ పరివాహ ప్రాంతలో ఉండి కాస్త పచ్చని పొలాలు, కాలువలు తో, కళకళ లాడుతున్న జనాలతో భలే ఉంటుంది గదా !! ఇవన్ని రమ కు చూపెట్టి రమ ఆశ్చర్య పోతుంటే చూడాలని శిల్ప గారి ముచ్చట. శ్రీరామ్ తన కూతురి పుట్టిన రోజు అనాధ పిల్లల మధ్య జరుపుకోవాలని, ఫంక్షన్ అదీ చేయకుండా, ఆ ఖర్చు అనాధ ఆశ్రమానికి విరాళం గానో, అనాధ పిల్లలకు పుస్తకాలు వస్తువులు ఇస్తున్నాడు. మంచిదే.!! సరే మరి ఈ కార్యక్రమానికి శిల్ప మరియు రమ నిన్న డెల్టా ఎక్ష్ప్రెస్స్ లో బయలుదేరి వెళ్ళారు. ఈ రోజు శ్రీరామ్ ఫోన్ చేసి నన్ను, రితేష్ ను రమ్మని పిలిచాడు. వెళ్ళటం కుదరదు.
కామెంట్లు లేవు:
కామెంట్ను పోస్ట్ చేయండి